اسلامی ممالک کی تنظیم اوآئی سی کے سیکریٹری جنرل پروفیسر اکمل الدین اوغلو نے مقبوضہ کشمیر میں بے گناہ کشمیریوں پر مظالم اور طاقت کے استعمال کی شدید مذمت کی ہے، انہوں نے مقبوضہ کشمیر میں بگڑتی ہوئی صورتحال کے باعث ہونے والے جانی اور مالی نقصان پر بھی اپنی گہری تشویش کا اظہارکیا۔
انہوں نے بھارت پر زور دیا کہ وہ بیگناہ کشمیریوں کے خلاف تشدد کے خاتمے کے لئے فوری اقدامات کرے تاکہ پاکستان اور بھارت کے مابین جاری امن مذاکرات کے لئے سازگار ماحول میسر ہو۔انہوں نے اقوام متحدہ کی انسانی حقوق کونسل سمیت انسانی حقوق کی بین الاقوامی تنظیموں سے مقبوضہ کشمیر میں انسانی حقوق کیپامالی کے خلاف اقدامات کا مطالبہ بھی کیا۔
