انسانی حقوق کی تئیس تنظیموں نے مصری حکام سے اپیل کی ہے کہ غزہ کی پٹی میں پھنسے ہوئے طالب علموں کو رفح راہداری سے گزرنے کی اجازت دے دیں تاکہ وہ عرب ممالک اور دیگر ممالک میں تعلیمی سلسلے کو جاری رکھ سکیں –
مرکزاطلاعات فلسطین کو موصولہ پریس ریلیز کے مطابق‘ ان تنظیموں نے مصری حکومت کے تعاون سے اسرائیل کی جانب سے غزہ کے جاری محاصرہ کی شدید مذمت کی ہے اور کہاہے کہ اس سے غزہ کی پٹی کے پندرہ لاکھ افراد کی زندگی عذاب میں مبتلا ہوچکی ہے- بیان میں مزید کہاگیاہے کہ اسرائیلی قابض انتظامیہ کی کوشش ہے کہ ان طلبہ کو اس شرط پر غزہ سے جانے کی اجازت دی جائے کہ وہ اسرائیلی مخبر کے طور پر کام کریں-
اٹلی سے تعلق رکھنے والی پولیٹیکل سائنس کی ماہر نے رام اللہ سے شائع ہونے والے سہ ماہی میگزین میں اس خدشے کا اظہار کیا ہے کہ غزہ کی پٹی میں غیر ملکی دستے تعینات کئے جاسکتے ہیں- انہوں نے کہاکہ تعینات کئے جانے والے غیر ملکی دستے فلسطینیوں کی مخالفت کریں گے اور اسرائیل کے ساتھ تعاون کریں گے جس سے اسرائیل فلسطینیوں پر ظلم و ستم میں اضافہ کردے گا-
