فرانس کا فلسطین میں غیر ملکی فوج کی تعیناتی پر غور

مغربی سفارت کاروں نے دعوی کیا ہے کہ فرانس فلسطین میں بین الاقوامی فوج کی تعیناتی کے بارے میں غور کررہا ہے
 
فرانس میں یورپی یونین کے سفیر یورپی وزیر خارجہ سے ملاقات سے قبل انکشاف کیا کہ فرانس غزہ کی پٹی اور دریائے اردن کے مغربی کنارے (غرب اردن) میں فلسطینی سیکورٹی اداروں کی مدد کے لیے عالمی امن فوج کی تعیناتی پر سنجیدگی سے غور کررہا ہے-

غیر ملکی افواج کی تعیناتی کی وجہ بتاتے ہوئے انہوں نے کہا کہ اسرائیل کو فلسطینی اتھارٹی کے ماتحت سیکورٹی اہلکاروں کی کارکردگی پر اطمینان نہیں- ایک فرانسیسی خبر رساں ادارے ’’رائٹرز‘‘ کے مطابق عالمی فوج کی تعیناتی فلسطین کے تمام متنازعہ علاقوں کے لیے تجویز دی گئی ہے-

رپورٹ کے مطابق فلسطین میں امن فوج کی تعیناتی کا ایک مقصد اسلامی تحریک مزاحمت (حماس) کی جمہوری حکومت کا تختہ الٹنے کا راستہ ہموار کرنا ہے-