جوہری توانائی کے بین الاقوامی ادارے نے کہا ہے کہ وہ اس بات کے تعین میں کسی حقیقی پیش رفت میں ناکام رہاہےکہ آیا ایران نے ایٹم بم بنانے کی کوشش کی تھی، یا نہیں۔
پیر کے روز ویانا سے جاری ہونے والی ایک رپورٹ میں کہا گیا ہے کہ آئی اے ای اے نے ایران کو اس فہرست میں شامل کرلیا ہے جو مسلسل اپنی جوہری صلاحیتوں میں اضافہ کررہا ہے۔
اقوامِ متحدہ کے ایک عہدےدار نے جو یہ رپورٹ دیکھ چکے ہیں، آئی اے ای اے اور ایران دونوں کو اس سلسلے میں تعطل کا شکار قرار دیا ہے۔
اقوام متحدہ کی سلامتی کونسل ایران پر دباؤ ڈال رہی ہے کہ وہ یورینیم کی افزدوگی بند کرے جس کی مدد سے جوہری بم بنائے جاسکتے ہیں۔
