ایران کے خلاف طاقت کے استعمال سے بچا جاسکتا ہے

متوقع اسرائیلی وزیراعظم زیپی لیونی نے ایران کے خلاف طاقت نہ استعمال کرنے کے لیے صحیح عالمی سیاسی جدوجہد کی ضرورت پر زور دیا ہے-

انہوں نے مقبوضہ بیت المقدس میں کانفرنس سے خطاب میں کہاکہ ایران صرف اسرائیل ‘ علاقے اور پڑوسی ممالک کی مشکل نہیں ہے بلکہ عالمی برادری کی مشکل ہے – ہمیں اس مسئلہ کے متعلق سوچ و بچار کرنا چاہیے-

کدیما پارٹی کی ویب سائٹ کے مطابق زیپی لیونی نے کہا کہ صحیح عالمی جدوجہد کے ذریعے ایران کے خلاف طاقت کے استعمال کے آپشن سے بچا جاسکتاہے- انہوں نے کہاکہ تل ابیب اپنے پڑوسیوں اور عرب ممالک سے امن کے ساتھ رہناچاہتاہے-
 
تل ابیب‘ شام ‘ لبنان ‘ فلسطینیوں اور تمام عرب ممالک سے قیام امن چاہتاہے-اس بات کا ثبوت ہم نے ستمبر2005ء میں غزہ سے انخلاء کرکے دیا ہے- انہوں نے مزید کہاکہ فلسطینیوں سے مذاکرات جاری رہنے چاہئیں-