غزہ کے بینکوں کو نقد رقوم کی ترسیل کو اسرائیل نے روک دیا ہے جس کے بعد غزہ میں سرکاری ملازمین کو اس ماہ کی تنخواہیں ادا نہیں کی جاسکیں اور یہ سرکاری ملازمین اور ان کے بچے بغیر پیسوں کے عید الاضحی منائیں گے
تفصیلات کے مطابق غزہ کے بینکوں کو بدھ کے روز رقوم کی ترسیل ہونا تھی جس کے بعد غزہ کے 77000 سرکاری ملازمین کو تنخواہوں کی ادائیگی کی جانی تھی مگر اسرائیل نے گزشتہ روز رقوم کی ترسیل کو روک دیا ہے اور اب غزہ کیلئے یہ ممکن نہیں رہا ہے کہ وہ ان 77000 ہزار سرکاری ملازمین کو تنخواہیں ادا کرسکے- غزہ میں تنخواہیں ادا کرنے کیلئے فوری طور پر 63 ملین ڈالر کی رقم فوری درکار ہے-
