اسرائیل نے224 فلسطینی قیدیوں کو رہا کر دیا ہے اور اسرائیلی وزیرِ اعظم ایہود اولمرٹ نے کہا ہے کہ یہ قدم فلسطینی صدر محمود عباس کی جانب خیرخواہی کی علامت کے طور پر اٹھایا گیا ہے۔
قیدیوں کی رہائی کا عمل مغربی کنارے میں واقع اووفر کے قید خانے سے شروع ہوا۔ مغربی کنارے میں بوتنیا چیک پوسٹ پر قیدیوں کی رہائی کے موقع پر پرمسرّت مناظر دیکھنے میں آئے۔
خوشی سے چلاتے ہجوم نے رہائی پانے والے فلسطینیوں کا خیرمقدم کیا ۔ اسرائیلی وزیرِاعظم کے ترجمان کا کہنا ہے کہ گزشتہ برس سے اب تک تقریباً ایک ہزار فلسطینی قیدی رہا کیے جا چکے ہیں اور اس اقدام کا مقصد اسرائیل اور فلسطینی اتھارٹی کے درمیان مذاکرات ک سلسلے میں اعتماد کی فضا کو فروغ دینا ہے۔
