شام سے قیام امن کا معاہدہ طے پاسکتا ہے

اسرائیلی نگران وزیراعظم ایہوداولمرٹ آج ترکی کے دورے پرروانہ ہو رہے ہیں- حکومتی ترجمان ماریگیف کے مطابق ایہوداولمرٹ اپنے ترک ہم منصب طیب اردگان سے انقرہ میں ملاقات کریں گے اور ان سے ترکی کی ثالثی میں شام سے جاری مذاکرات کے حوالے سے بات چیت کریں گے –
 
واضح رہے کہ ترکی کی ثالثی میں اسرائیل کا شام سے مذاکرات کا سلسلہ مئی میں شروع ہواتھا- ترکی کے دورے پر روانگی سے قبل جامعہ تل ابیب کے اسٹرٹیجک اسڈیز انسٹی ٹیوٹ میں کانفرنس سے خطاب میں انہوں نے کہاکہ شام سے قیام امن کا معاہدہ طے پاسکتاہے-

اسرائیلی وزیراعظم نے کہاکہ معاہدہ طے پا جانے سے شام کے ایران ،حماس اور حزب سے روابط ٹوٹ جائیں گے اور دمشق برائی کا محور نہیں رہے گا-