اسرائیلی اقتصادی اداروں نے اعتراف کیا ہے کہ فلسطینی مزاحمت کاروں کی جانب سے حالیہ جنگ کے دوران راکٹ حملوں میں صنعتی شعبے کو بری طرح نقصان پہنچا ہے-
اسرائیلی اخبار’’معاریف‘‘ نے اپنی ایک رپورٹ میں اسرائیلی محکمہ صنعت وتجارت کے حوالے بتایا ہے کہ گزشتہ ستر ہ روز سے غزہ سے مجاہدین کے داغے گئے راکٹوں کے باعث اسرائیلی صنعت کے شعبے میں کم از کم بیس ملین ڈالر کا نقصان ریکارڈ کیا گیا ہے- مسلسل حملوں کے باعث نہ صرف کارخانوں کو براہ راست نقصان پہنچ رہا ہے بلکہ خوف کی وجہ سے ملازمین نے کارخانوں میں آنا چھوڑ دیا ہے جس سے کارخانوں کا کام ٹھپ ہو گیا ہے-
رپورٹ کے مطابق غزہ کے قریب واقع تقریبا سترہ سو کارخانے مزاحمت کاروں کے راکٹ حملوں کا ہد ف بن رہے ہیں، جن میں انتالیس ہزار پانچ سو ملازمین کارخانے چھوڑ کر جا چکے ہیں-
