ایلی ویزل ۔۔ ۔ایک ناقابل اصلاح صہیونی

نیو یارک کے سابق مئیر جس کی نس نس میں صہیونی نسلی برتری کا جنون بھرا ہوا ہے اورجس کی سوچ یہ ہے کہ اسرائیل میں فلسطینیوں کو صفحہ ہستی سے مٹانے کیلئے ہر کوشش جاری ر ہنی چاہئیے لیکن عالم انسانیت کو اس پر تنقید کا حق بھی نہیں ہے اور نہ ہونا چاہئیے۔ایسی ہی ایک سوچ کا ایک اور شخص بھی ہے،جو اس شخص سے کم مکروہ عزائم نہیں رکھتا ہے۔ بلکہ یوں کہہ سکتے ہیں کہ یہ شخص صہیونی بیمار ذہنیت کا ایک چلتا پھرتا نمونہ ہے۔ 

لیکن بدقسمتی یہ ہے کہ بہت سارے امریکیوں کیلئے یہ شخص جو” ایلی ویزل "کے نام سے مشہور ہے،دانشور، ملک الشعرا،عامل اخلاق،انصاف اور انسانیت کے فروغ کیلئے جدوجہد کرنے والا مسیحا کے روپ میں موجود ہے۔ لیکن دنیا کے لاکھوں کروڑوں لوگ جانتے ہیں کہ ویزل مسیحا نہیں بلکہ ایک متعصب نسل پرست،او ر بڑا ہی کذاب شخص ہے جو دقیانوسی صہیونی نظریات کو انسانی اقدار پر اہمیت دینے کا نہ صرف حامی ہے بلکہ ایک وکیل ہے۔

یہ وہی شخص ہے جس نے متعدد موقعوں پر کہا کہ وہ مشرق وسطیٰ میںفلسطینیوںاور دیگر لوگوں کے ساتھ ہورہے اسرائیلی مظالم کی تنقید نہیں کر سکتا۔ اگر وہ اسرائیلی مظالم کی تنقید نہیں کرسکتا ،ٹھیک ہے نہ کرلے لیکن پھر اس شخص کو دانشور، انسانی اقدار کا علمبردار،عامل اخلا ق ،راست باز وغیرہ وغیرہ کے القابات سے نوازنا دراصل صہیونی پروپیگنڈے کے جال میں پھنسنے کے ہی مترادف ہے۔

ویزل سالہا سال سے اسرائیلی نسلی عصبیت اور ان کے جرائم کی پردہ پوشی کرنے میں سرگرم ہے۔نہ صرف  "نائٹ”نامی کتاب کا یہ مصنف نازی مزاج اسرائیلی فوج کے جرائم ،جن میں ہزاروں فلسطینیوں اور لبنانیوں کو موت کے گھاٹ اتارنا، ہزاروں فلسطینیوں کو عمر بھر کیلئے معذور کرنا ، جن میں معصوم بچے بھی شامل ہیں ،پشتنی باشندوں کے گھر تباہ و برباد کرنے کے واقعات سے چشم پوشی کرنے کی کوشش کر رہا ہے بلکہ الٹا اسرائیل کی ننگی بر بریت اور ان جرائم کا دفاع بھی کر رہا ہے

لیکن اس ننگی جارحیت،بربریت اور سنگین جرائم کا جیسا کہ پچھلے سال غزہ پٹی میںاس کا مظاہرہ ہوا کا دفاع کرنے اور لوگوں کی آنکھوں میں دھول جھونکنے کیلئے زبردست قسم کی کذب بیانی کی ضرورت ہوگی اور یہ ذمہ داری ویزل جیسے لوگوں پر ہی ڈالدی گئی ہے۔اور یہ واضح ہے کہ ویزل بخوبی اپنا یہ کردار پوری مستعدی سے نبھارہا ہے

 صہیونی حامی اخبار واشنگٹن پوسٹ کے ایک پورے صفحے پر،ویزل کا یہ جھوٹ کا پلندہ ایک پورے اضافی صفحے پرشائع ہوا ہے۔اس میں اس نے امریکاکی طرف سے اسرائیل پر "سیاسی دباؤ”کی نقط چینی کرتے ہوئے لکھا ہے کہ اس طرح کا دباؤ قائم کرنے سے مقبوضہ بیت المقدس کا مسئلہ حل نہیں ہوسکتا۔

اس پوچھا جاسکتا ہے کہ پھر مسئلہ کس طرح حل ہوگا۔کیا صہیونی درندوں کو فلسطین سے وہاںکے پشتنی باشندے عربوں کو نکالنے کی اجازت دے کر اور انہیں صحرؤں میں پھینک کر یہ مسئلہ حل ہو سکتا ہے۔یا پھر قومی تعصبات کی بنا پر لوگوں کو ان کا گھر چھوڑنے پر مجبور کرنے کے عمل سے،جومقبوضہ بیت المقدس میں اس وقت جاری ہے ،یہ مسئلہ حل ہوسکتا ہے۔یا پھر مسلمانوں اور عیسائیوں کے متبرک مقامات کو کو تباہ و بربادکرکے اس مسئلے کا حل نکا لا جاسکتا ہے

ویزل کہتے ہیں”میں یہودی ہوں اور میرے لئے مقبوضہ بیت المقدس کا معاملہ سیاست سے بالا تر ہے۔اس کا ذکر انجیل مقدس میں 600مرتبہ سے زیادہ ہوا  ہے،جب کہ قرآن پاک میں اس کا سرے سے ذکر ہی نہیں”
حالانکہ اس جھوٹے شخص کو انجیل مقدس کا حوالہ دینے کا بھی کوئی حق نہیں کیونکہ جس انجیل کا وہ ذکر کررہے ہیں اسی میں درج ہے کہ جھوٹ مت بھولا کریں ۔اور یہ بالکل جھوٹ ہے کہ بیت المقدس کا قرآن میں ذکر نہیں ہے۔بلکہ قرآن پاک میں ایک سورت ہی بنی اسرائیل کے نام سے موجود ہے جس میں ان کے جرائم کی داستان بھی بیان کی گئی ہے

دوسری اہم بات یہ کہ کسی جگہ یا مقام کا کسی مذھبی کتاب میں متعدد بار ذکر ہونے کا مطلب ضروری نہیں کہ اس کی حقیقت میں زیادہ ہی اہمیت ہو۔مثلاََ مکہ شریف کا قرآن پاک میںصرف چند بار ذکر ہوا ہے ،لیکن اسلامی دنیا کو مکہ مکرمہ ساتھ ایک جذباتی اور ایمانی رشتہ ہے اور اس شہر کی ایک اپنی اہمیت ہے۔

اس اخبار کے اس اضافی صفحے میں ناقابل اصلاح کذاب ویزل نے دعویٰ کیا ہے کہ”بیت المقدس میں یہودیوں، مسلمانوں اور عیسائیوں کو کہیں بھی جہاں وہ چاہیں، گھر بنانے کی اجازت ہے اور یہ صرف اسرائیل کی خود مختار مملکت میں ہی ممکن ہے کہ ہرمذاہب کے لوگوں کیلئے مقبوضہ بیت المقدس میں مذھبی رسوم ادا کرنے کی کلی آزادی ہے”

اور حل کے متعلق اس کی وہی سوچ ہے جس میں فلسطینیوں کے حقوق کا سرے سے کوئی ذکر نہیں ۔انصاف کی تشریح اس وقت ویزل کے سامنے بے معنیٰ ہوجاتی ہے جب غیر یہودی کی بات آتی ہے۔منافقانہ طرزعمل اختیار کرتے ہوئے وہ عملاَمطالبہ کرتا رہتا ہے کہ فلسطینیوں کے پاس رہی سہی زمین اور اور ان کی جائیدادیں مکمل طور پر ان سے چھینی جائیں۔بیان کرتے ہیں”کیوں ایک پیچیدہ اور حساس مسئلے کو عجلت میں حل کر نے کی کوششیں ہورہی ہیں،کیوں نہ پہلے اقدامات کے طور پرفلسطینی اور یہودی ایسے راستے ڈھونڈنے کی کوشش کریں جہاںوہ امن کے ماحول میں ایک دوسرے کے ساتھ رہ سکیں،کیوں نہ پیچیدہ اور حساس معاملات کو فی الحال ایک طرف رکھا جائے”

کس طرح نام نہاد دانشور، ،انسانی اقدار کا علمبردار،عامل اخلا ق ،راست بازشخص عالمی برادری کی آنکھوں میں دھول جھونک کر صہیونیوں کو فلسطینیوں کا مکمل صفایا کرنے کی مہلت دینے کی کو ششوں میں لگا ہے۔تاکہ نہ رہے بانس اور نہ بجے با نسری۔جب فلسطینیوں کا مکمل صفایا ہی ہوگا تو پھر بات چیت اور مذاکرات کی نوبت ہی نہیں آئیگی۔میں حیران ہوں کہ مغرب میں ابھی بھی بعض لوگ اس پر اعتراض کیوں کرتے ہیں،جب یہ کہا جاتا ہے کہ”صہیونی اس دور کے نازی ہیں "