معتبر ذرائع نے انکشاف کیا ہے کہ اسرائیلی حکام مقبوضہ بیت المقدس اور مسجدِ اقصیٰ کو صہیونی ریاست کا باقاعدہ حصہ بنانے کی نئی اسکیمیں نافذ کر رہے ہیں۔
محقق شعیب ابو سنینہ نے تصدیق کی کہ اسرائیلی حکام مسجدِ اقصیٰ کے مشرقی علاقے کو یہودیانے کے لیے کام کر رہے ہیں تاکہ آباد کاروں کے لیے تلمودی رسوم کی ادائیگی کی جگہ تیار کی جائے۔
ابو سنینہ نے واضح کیا کہ اسرائیلی قبضے کا مقصد ہر ممکن طریقے سے مسجدِ اقصیٰ پر اپنی خودمختاری مسلط کرنا نیز آباد کاروں کی بڑھتی ہوئی تعداد کو مقدس مقام میں بلا روک ٹوک دخلے کی اجازت دینا ہے۔
انہوں نے مزید بتایا کہ اسرائیلی حکام نے فلسطینی اور وقف اراضی کو ہتھیانے کے لیے مقبوضہ شہر کے مختلف علاقوں میں یہودیوں کی جعلی قبریں بنا رہے ہیں۔
ہر روز صبح اور دوپہر میں یہودی آباد کاروں اور پولیس فورسز کی طرف سے مسجدِ اقصیٰ کی روزانہ بے حرمتی کی جاتی ہے۔
مسجد کے احاطے کے اندر آباد کاروں کی موجودگی کے دوران، مسجد کی طرف جانے والے داخلی راستوں پر مسلمان نمازیوں کے داخلے پر پابندیاں عائد کی جاتی اور ان کی شناختی دستاویزات اس وقت تک ضبط کی جاتی ہیں جب تک آبادکار مقدس مقام سے باہر نہ نکل جائیں۔
