فرانس نے دنیا بھر سے آنے والے پناہ گزینوں کے لیے دارالحکومت پیرس کے شمال میں ایک نیا کیمپ قائم کرنے کا اعلان کیا ہے۔ کیمپ کے قیام کا اعلان ایک ایسے وقت میں کیا گیا جب عالمی برادری کی جانب سے پناہ گزینوں کے معاملے میں فرانسیسی حکومت کی طرف سے اپنائی گئی پالیسیوں کو کڑی تنقید کا سامنا رہا ہے۔
خبر رساں اداروں کی جانب سے جاری کردہ بیانات میں بتایا گیا ہے کہ پیرس بلدیہ کی خاتون میئر مسز انا ھیدالگو نے بتایا کہ شمالی پیرس میں پناہ گزینوں کے لیے کیمپ کا اعلان جلد ہی کیا جائے گا۔
مسزاناھیدالگو کا کہنا ہے کہ پناہ گزین کیمپ میں اقوام متحدہ کی پالیسی اور معیارات کے مطابق ایک ماہ کے اندر اندر کیمپ قائم کر لیا جائے گا۔
پیرس کی میئر کا کہنا ہے کہ حکومت کی طرف سے پناہ گزینوں کےلیے خیرمقدمی بورڈ لگائے جائیں گے جس میں انہیں فرانس میں خوش آمدید کہا جائے گا۔ ان کا کہنا تھا کہ موجودہ حالات پناہ گزینوں کے حوالے سے قابل قبول نہیں ہوں گے۔
