غزہ – مرکزاطلاعات فلسطین
فلسطینی وزارت صحت نے اعلان کیا ہے کہ گذشتہ 24 گھنٹوں کے دوران غزہ کی پٹی کے ہسپتالوں میں 58 فلسطینی شہید اور 213 زخمی ہوئے ہیں۔
وزارت صحت نے منگل کو ایک بیان میں کہا کہ 18 مارچ 2025 ءسے اب تک 1,449 فلسطینی شہید اور 3,647 زخمی ہوئے ہیں۔
وزارت صحت کا کہنا ہے کہ7 اکتوبر 2023ء سے اب تک اسرائیلی جارحیت سے شہید ہونے والوں کی تعداد 50,810 شہید اور زخمیوں کی تعداد 115,688 ہو چکی ہے۔
وزارت صحت کا کہنا ہے کہ "متعدد زخمی اور شہید اب بھی ملبے کے نیچے اور سڑکوں پر ہیں، اور ایمبولینس اور شہری دفاع کا عملہ ان تک نہیں پہنچ سکتا”۔
انہوں نے غزہ کی جنگ میں شہید ہونے والے اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کر کے اپنا ڈیٹا مکمل کریں تاکہ تمام معلومات وزارت صحت کے ریکارڈ کے ذریعے جمع کی جا سکیں۔
