اسلامی تحریک مزاحمت حماس نے سعودی عرب کے شہروں مدینہ اور قطیف میں مساجد کو نشانہ بنانے کی مذموم کارروائیوں کی مذمت کی ہے اور ان حملوں کو مسلمانوں کے جذبات کے ساتھ کھیلنے کی کوشش قرار دیا ہے۔
حماس کی جانب سے جاری کردہ ایک پریس ریلیز میں بتایا گیا ہے کہ مدینہ میں مسجد نبوی پر حملے کی کوشش تمام عالم کے مسلمانوں کے جذبات کو بھڑکانے کی ایک سازش ہے۔
تحریک حماس نے سعودی عرب کو یقین دلایا کہ وہ ایسے مجرمانہ افعال کے خلاف جنگ میں سعودی عرب کے ساتھ کھڑی ہے۔ حماس نے اس موقع پر جانوں کی قربانی دینے والے سیکیورٹی اہلکاروں کے عزیز واقارب اور سعودی شاہی خاندان سے تعزیت کا اظہار کیا۔
سعودی عرب میں پیر کے روز تین مختلف شہروں میں دھماکوں کے نتیجے میں چار سیکیورٹی اہلکار جاں بحق جبکہ 10 افراد زخمی ہوگئے تھے۔
