غزہ – مرکزاطلاعات فلسطین
اسلامی تحریک مزاحمت حماس نے امریکی قومی سلامتی کونسل کے ترجمان برائن ہیوز کے ان بیانات کو سختی سے مسترد کردیا ہے جن میں اس نے فلسطینی مزاحمت کاروں پر ایمبولینسوں کو فوجی مقاصد کے لیے استعمال کرنے کا الزام عاید کیا۔
حماس نے کہا کہ صدر ٹرمپ اور ان کی انتظامیہ کی جانب سے رفح میں ہلال احمر اور شہری دفاع کے اہلکاروں کے قتل کے جرم کے بارے میں کہنا کہ ان میں فلسطینی مزاحمت کار موجود تھے ایک صریح جھوٹ کے ساتھ ساتھ اس طرح کا بیان ہمارے وقت کے نازیوں کے ساتھ غیر اخلاقی یکجہتی کی ایک گھناؤنی تصویر ہے۔ یہ قتل عام معصوم فلسطینی شہریوں اور انسانی تنظیموں کے خلاف وحشیانہ جنگ کا تسلسل ہے اور یہ اپنی نوعیت کا پہلا واقعہ نہیں ہے۔
پیر کو جاری ایک بیان موصول ہونے والے ایک پریس بیان میں حماس نے کہاکہ "جماعت ‘‘ کے خلاف ایمبولینسز کے استعمال کے الزامات محض جھوٹ اور باطل ہیں، جو کہ امریکی انتظامیہ نے جنگی مجرم نیتن یاہو کی حکومت کے ساتھ مل کر پیرامیڈیکس اور ریسکیو ورکرز کے خلاف اپنے گھناؤنے اور دستاویزی جرم کو جواز فراہم کرنے کے لیے پروپیگنڈے کا حصہ ہیں۔” نیو یارک ٹائمز نے جو ویڈیو کلپ کاسٹ کیا ہے اس کی تصدیق کی گئی ہے۔ بین الاقوامی قانون کے تحت نہتے انسانی ہمدردی کے کارکنوں کے خلاف ، اقوام متحدہ کے ملازمین اور تمام شہری اداروں کے خلاف جارحیت کے کئی مہینوں میں ہونے والے سینکڑوں جرائم میں سے ایک سنگین جرم ہے”۔
حماس نے کہا کہ "امریکی انتظامیہ کو انسانی ہمدردی کے کاموں کو نشانہ بنانے اور بچوں اور شہریوں کے قتل اور جلاؤ گھیراؤکے لیے اپنی کھلی حمایت بند کرنی چاہیے اور صہیونی دہشت گرد ریاست حکومت کو مجبور کرنا چاہیے کہ وہ جنگی جرائم کی خلاف ورزیوں کو روکنے کے لیے جرائم کا سلسلہ بند کرے۔
