غزہ – مرکزاطلاعات فلسطین
فلسطینی وزارت صحت نے اعلان کیا ہے کہ گذشتہ 24 گھنٹوں کے دوران غزہ کی پٹی کے ہسپتالوں میں 26 شہداء کے جسد خاکی لائے گئے جب کہ 113 زخمی ہوئے ہیں۔
وزارت صحت نے اتوار کو ایک بیان میں کہا کہ 18 مارچ 2025 ءسے اب تک شہید ہونے والوں کی تعداد 1,335 اور 3,297 زخمی ہو گئی ہے۔
وزارت صحت نے بتایا کہ اکتوبر 2023ء سے اب تک اسرائیلی جارحیت سے شہید ہونےوالوں کی تعداد 50,695 ہوگئی ہے جب کہ 115,338 زخمی ہو چکی ہے۔ انہوں نے کہاکہ "متعدد متاثرین اب بھی ملبے کے نیچے اور سڑکوں پر ہیں اور ایمبولینس اور شہری دفاع کا عملہ ان تک نہیں پہنچ سکتا”۔
انہوں نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ متعلقہ لنک کے ذریعے رجسٹریشن کر کے اپنا ڈیٹا مکمل کریں، تاکہ تمام معلومات وزارت صحت کے ریکارڈ کے ذریعے جمع کی جا سکیں۔
