رام اللہ – مرکزاطلاعات فلسطین
فلسطینی ہلال احمر سوسائٹی کے سربراہ یونس الخطیب نے قابض اسرائیلی حکام کو اپنے نو طبی کارکنوں کی حفاظت اور جانوں کے لیے مکمل طور پر ذمہ دار ٹھہرایا، جنہیں قابض اسرائیلی فوج نے رفح کے تل السلطان محلے میں آٹھ دنوں سے محصور کر رکھا ہے۔
انہوں نے اتوار کے روز البیرہ میں ایسوسی ایشن کے ہیڈ کوارٹر کے سامنے منعقدہ ایک پریس کانفرنس میں زو ردیا کہ قابض اسرائیلی فوج کی جانب سے ان پر براہ راست فائرنگ کرنے کے بعد پیرامیڈیکس کی قسمت کا پتہ نہیں چل سکا جس سے ان میں سے کچھ زخمی ہو گئے تھے۔ ان سے رابطہ تقریباً ایک ہفتہ قبل اس وقت منقطع ہو گیا تھا جب انہوں نے غزہ کی پٹی میں رفح کے علاقے حشاشین میں اسرائیلی گولہ باری سے زخمی ہونے والے متعدد افراد کو ابتدائی طبی امداد فراہم کرنے کی کال کا جواب دیا۔
الخطیب نے کہا کہ "اپنے پیرامیڈیک ساتھیوں کی قسمت کا نہ جاننا ایک بہت بڑا المیہ ہے جو نہ صرف ہمارے لیے، فلسطینی ہلال احمر کے لیے بلکہ انسانی ہمدردی کے کاموں اور انسانیت کے لیے بھی ہے۔
انہوں نے اس بات پر زور دیا کہ قابض حکومت کی جانب سے ہلال احمر کے طبی عملے اور ان کے بین الاقوامی نشان کو نشانہ بنانے کو صرف ایک پہلے سے سوچا گیا جرم تصور کیا جا سکتا ہے جس کی سزا بین الاقوامی انسانی قانون کے مطابق موجودہے۔
انہوں نے عالمی برادری سے مطالبہ کیا کہ وہ قابض ریاست پر پر دباؤ ڈالے تاکہ ان کی قسمت کا تعین کیا جا سکے اور فوری طور پر نو طبی کارکنوں کے لیے تلاش اور بچاؤ کی کارروائیوں کی اجازت دی جائے۔
