نیو یارک -مرکزاطلاعات فلسطین
اقوام متحدہ کے انسانی حقوق کے ہائی کمشنر کے دفتر کے ترجمان تھمین الخیتان نے عالمی برادری سے مطالبہ کیا ہے کہ وہ غزہ کی پٹی میں بھوک کو دوبارہ پھیلنے سے روکے۔
الخیتان نے پیر کے روز ایک پریس بیان میں کہا کہ قابض اسرائیلی حکام کا غزہ میں تمام انسانی امداد کی روک تھام بین الاقوامی قوانین کے حوالے سے ان کی ذمہ داریوں سے مطابقت نہیں رکھتی۔
انہوں نے زور دے کر کہا کہ اسرائیل ایک قابض طاقت کے طور پر صحت کے نظام کو محفوظ بنانے کے علاوہ غزہ کی آبادی کو خوراک اور طبی سامان کی فراہمی کو یقینی بنانے کے لیے تمام ضروری صلاحیتیں فراہم کرنے کا پابند ہے۔
الخیتان نے زور دیا کہ قابض حکام کو انسانی امداد اور دیگر بنیادی ضروریات کے داخلے کی اجازت دینی چاہیے اور پٹی تک ان کی رسائی کو آسان بنانا چاہیے۔
قابض حکام کی جانب سے غزہ میں تمام امداد کے داخلے کو مکمل طور پر روکنے کے فیصلے کے حوالے سے اقوام متحدہ کے ترجمان نے اس اقدام کو ناقابل قبول اور بین الاقوامی قوانین کے تحت اسرائیل کی ذمہ داریوں کی کھلی خلاف ورزی قرار دیا۔
انہوں نے بنیادی اشیائے خوردونوش کی قیمتوں میں اضافے کے منفی اثرات اور مستقبل میں غزہ میں زندگی بچانے کی بنیادی ضروریات تک رسائی کے امکانات کے بارے میں خدشات کے پھیلاؤ سے خبردار کیا۔
الخیتان نے غزہ میں بھوک کو دوبارہ پھیلنے کی اجازت نہ دینے کی ضرورت پر زور دیا انسانی برادری سے مطالبہ کیا کہ وہ اس بات کو یقینی بنائیں کہ اہم امداد بغیر کسی رکاوٹ کے پٹی تک پہنچ جائے۔
