لندن – مرکزاطلاعات فلسطین
برطانیہ کے دو طبی ماہرین نے خبردار کیا ہے کہ غزہ میں تباہی کی جنگ کے طویل المدتی اثرات سے فلسطینی متاثرین کی تعداد میں چار گنا اضافہ ہو سکتا ہے۔ان کا کہنا ہے کہ غزہ میں صحت عامہ اور طبی شعبے کی حقیقت کے حوالے سے پیش گوئیاں انتہائی تشویشناک ہیں۔
برطانوی اخبار ‘دی گارڈین’ نے آج ہفتے کے روز شائع رپورٹ میں دو ماہر ڈاکٹروں نے متعدی امراض کے پھیلاؤ اور غذائی قلت سے منسلک متعدد صحت کے مسائل کے بارے میں بات کی، جس میں بتایا گیا کہ ہسپتالوں کی تباہی اور طبی ماہرین کے قتل کی وجہ سے اسرائیلی بمباری بند ہونے کے بعد بھی غزہ میں فلسطینیوں میں اموات کی شرح بلند ہے۔
غزہ کی وزارت صحت کے مطابق دونوں ماہرین نے اندازہ لگایا کہ اسرائیلی جنگ کے نتیجے میں شہید ہونے والے فلسطینیوں کی کل تعداد بالآخر 186,000 تک پہنچ سکتی ہے، جو کہ ہلاکتوں کے 15 مہینوں کے دوران ہونے والے شہداء کی تعداد سے چار گنا زیادہ ہے، جن کی تعداد جنگ بندی تک 46,700 تھی۔
برطانوی ڈاکٹر پروفیسر غسان ابو ستہ نے بتایاکہ”وہاں غزہ میں غذائی قلت کی سطح اتنی ابتر ہے۔ بہت سے بچے کبھی صحت یاب نہیں ہو پاتے”۔ وہ فلسطینی ںژاد پلاسٹک سرجن ہیں جنہوں نے جنگ شروع ہونے کے فوراً بعد غزہ شہر کے الشفا ہسپتال اور الاہلی عرب ہسپتال میں کام کیا۔
پروفیسر نظام میمود ایک برطانوی سرجن ہیں۔انہوں نے گذشتہ سال جنوبی غزہ کے ناصر ہسپتال میں کام کیا۔انہوں نے کہا کہ جنگ سے ہونے والی اموات” کی تعداد بالآخر 186,000 سے کہیں زیادہ ہو سکتی ہے۔ انہوں نے کہا کہ ہلاکتوں کی تعداد میں اضافے کا ایک عنصر جنگ کے دوران صحت کی دیکھ بھال کرنے والے کارکنوں کو نشانہ بنانا تھا۔
پروفیسر میمود نے دی گارڈین کو بتایا کہ شمالی غزہ کی پٹی کو طبی سہولیات فراہم کرنے والے چھ ڈاکٹروں میں سے صرف ایک زندہ رہا، جبکہ کینسر کا کوئی ماہر زندہ نہیں بچا۔
پروفیسر ابو ستہ نے کہا کہ غزہ میں ماہر ڈاکٹروں کی پوری ٹیموں کا صفایا کر دیا گیا ہے، اور ان کی جگہ لینے کے لیے درکار تربیت میں 10 سال لگیں گے۔
انہوں نے مزید کہا کہ "کچھ مہارتیں مکمل طور پر تباہ ہو گئی تھیں۔ اب کوئی نیفرولوجسٹ نہیں زندہ نہیں ہے۔ جو ڈاکٹر گردے کی دیکھ بھال میں مہارت رکھتے ہیں، وہ سب شہید ہو چکے ہیں۔ ایمرجنسی میڈیسن کے تصدیق شدہ ڈاکٹر بھی نہیں ہیں۔ غسان ابو ستہ نے زور دے کر کہا کہ غزہ میں لوگوں کی طویل مدتی صحت کا انحصار اس بات پر ہے کہ پٹی اور اس کے بنیادی ڈھانچے کو کتنی جلدی دوبارہ تعمیر کیا جاتا ہے۔
شمالی غزہ میں واپسی کے بارے میں ڈاکٹر ابو ستہ نے کہاکہ "ڈاکٹروں کو شمال میں واپس آنے کی ترغیب دینے کے لیے، انہیں رہائش فراہم کی جانی چاہیے۔ یہ سوال اہم ہے کہ وہ کہاں رہیں گے؟ ان کے گھر والے کہاں رہیں گے؟”
غزہ کے بچوں کی مستقبل کی صحت کے بارے میں ابو ستہ نے دوسری جنگ عظیم میں زندہ رہنے والے لوگوں کے مطالعے کی طرف اشارہ کیا، جس سے معلوم ہوا کہ اگر وہ بچپن میں غذائی قلت کا شکار ہوتے ہیں تو وہ غیر متعدی امراض کا زیادہ شکار ہوتے ہیں، اور وہ ذیابیطس، ہائی بلڈ پریشر، اور ذیابیطس کا بھی زیادہ شکار ہوتے ہیں۔
پچھلے مہینے اقوام متحدہ نے اندازہ لگایا تھا کہ 2025 میں غزہ میں 60,000 سے زیادہ بچوں کو شدید غذائی قلت کے لیے علاج کی ضرورت ہوگی، اور ان میں سے کچھ پہلے ہی مر چکے ہیں۔
