فلسطین کے مقبوضہ مغربی کنارے کے جنوبی شہر الخلیل میں بیت عوا کے مقام پر فلسطینی شہریوں نے اسرائیلی فوج کے ایک کنٹرول ٹاور پر سنگ باری کے ساتھ پٹرول بموں سے حملہ کیا جس کے نتیجے میں ٹاور کو غیرمعمولی نقصان پہنچا ہے۔
مرکزاطلاعات فلسطین کے مطابق بیت عوا کے مقامی فلسطینی نوجوانوں نے صہیونی فوج کے کنٹرول ٹاورپر متعدد پٹرول بم پھینکے جس کے نتیجے میں کنٹرول ٹاور کو نقصان پہنچا۔
کنٹرول ٹاور پر پٹرول بم حملوں کے بعد اسرائیلی فوج نے صوتی بم پھینکے اور فلسطینیوں پر آنسوگیس کی شیلنگ کی تاہم کسی شہری کے زخمی ہونے کی اطلاعات نہیں مل سکیں۔
