فلسطین کے علاقے غزہ کی پٹی میں اسلامی تحریک مزاحمت ’حماس‘ کے عسکری ونگ القسام بریگیڈ کے ایک رکن سرنگ کے حادثے میں جام شہادت نوش کرگئے۔
مرکزاطلاعات فلسطین کو القسام بریگیڈ کی طرف سے موصول ایک بیان میں بتایا گیا ہے کہ گذشتہ روز جنوبی غزہ کے علاقے خان یونس میں ایک سرنگ میں کام کے دوران حادثہ اس وقت پیش آیا جب سرنگ کا ایک حصہ بیٹھ گیا۔
بیان میں کہا گیا ہےکہ سرنگ بیٹھنے سے القسام کے کارکن 22 سالہ یوسف عصام الاغا جام شہادت نوش کرگئے۔ جن کی نماز جنازہ خان یونس میں مسجد عبداللہ عزام میں ادا کرنے کے بعد سپرد خاک کردیا گیا۔
القسام بریگیڈ نے سرنگ حادثے میں اپنے ایک کارکن کی شہادت پر افسوس کا اظہار کرتے ہوئے شہید کے بلندی درجات اور لواحقین کے لیے صبر جمیل کی دعا کی ہے۔ بیان میں کہا گیا ہے کہ القسام کارکن اپنی جانوں پر کھیل کر دشمن کے خلاف قوم کے دفاع کے لیے اپنا مشن جاری رکھیں گے۔
