فلسطینی وزارت داخلہ کے حکام کا کہنا ہے کہ مصرنے غزہ کی بین بین الاقوامی رفح کراسنگ آج ہفتے کے روز کے لیے کھولنے کا اعلان کیا ہے۔ رفح گذرگاہ کل ہفتے کو دو طرفہ آمد ورفت کے لیے کھلی رہے گی۔
مرکزاطلاعات فلسطین کے مطابق مصری حکام کی طرف سے فلسطینی بارڈر امور کے حکام کو مطلع کیا گیا ہے کہ رفح گذرگاہ ایک روز کے لیے کھولنے کا فیصلہ کیا ہے تاکہ دونوں طرف پھنسے فلسطینیوں کو اپنی منزل مقصود تک پہنچنے میں مدد دی جاسکے۔
مصری وزارت داخلہ کے ترجمان نے’فیس بک‘ کے صفحے پربتایا کہ رفح گذرگاہ کو صرف ایک روز کے لیے کھولا جائے گا۔
رواں ہفتے کے اوائل میں مصری حکام نے رفح کراسنگ تین روز تک دو طرفہ آمد ورفت کے لے کھلی رکھی تھی۔
خیال رہے کہ رفح گذرگاہ غزہ کے 20 لاکھ آبادی والے علاقے کی بین الاقوامی برادری سے رابطے کی واحد راہ داری ہے جو سنہ 2013ء میں مصر میں قائم ہونے والی فوجی حکومت کے بعد بیشتر اوقات بند رہتی ہے۔
