گذشتہ روز فلسطین کےمقبوضہ مغربی کنارے کے جنوبی شہر بیت لحم سے ایک گم شدہ فلسطینی کی لاش ایک کنوئیں سے ملی۔ مذکورہ شخص چھ جون سے گھر سے لاپتا تھا۔
مرکزاطلاعات فلسطین کے مطابق 49 سالہ عیسیٰ محمد احمد العسعس چھ جون سے گھر سےغائب تھے۔ پولیس ان کی تلاش میں مصروف تھی۔ تاہم گذشتہ روز بیت لحم میں دار صلاح کے مقام پر ایک کنوئیں سے ان کی لاش نکالی گئی ہے۔
عیسیٰ العسعس کے جسم پر تشدد کے نشانات بھی ہیں۔ فلسطینی پولیس نے مبینہ قتل کے شبے میں تین افراد کو حراست میں لیا ہے جن پر الزام ہے کہ انہوں نے فلسطینی شہری کو تشدد کرکے قتل کیا اور اس کے بعد اس کی لاش کنوئیں میں پھینک دی تھی۔
