فلسطین کے مقبوضہ مغربی کنارے کے جنوبی شہر الخلیل میں گذشتہ شام ایک اسرائیلی فوج کی بندوق سے غلطی سے گولی چلنے سے ایک اسرائیلی فوجی ہلا ک ہو گیا۔
اسرائیل کے عبرانی ٹی وی 7 نے اپنی رپورٹ میں بتایا ہے کہ گذشتہ روز گولانی بریگیڈ کے ایک فوجی افسر کے ہاتھوں غلطی سے گولی چلنے سے ایک یہودی آباد کار شدید زخمی ہوگیا۔ گولی یہودی کے سینے میں پیوست ہوگئی تھی جو اس کے لیے جان لیوا ثابت ہوئی۔ یہودی آباد کار کو شدید زخمی حالت میں اسپتال منتقل کیا گیا جہاں کچھ ہی دیر بعد اس کی وفات کی تصدیق کردی گئی تھی۔
اسرائیلی فوج کی طرف سے جاری کردہ ایک بیان میں کہا گیا ہے کہ ہلاک ہونے والا شخص بھی گولانی بریگیڈ کا ایک افسر ہے کو اپنے ساتھی کی غلطی سے فائرنگ میں ہلاک ہوگیا۔ یہ واقعہ الخلیل شہر میں مشقوں کے دوران پیش آیا۔
فوجی کی ہلاکت کے بعد مشقوں کا سلسلہ روک دیا گیا ہے۔
