فلسطین کے مقبوضہ بیت المقدس میں مسجد اقصیٰ کے جنوب میں واقع سلوان ٹاؤن کے مقام پر فلسطینی نوجوانوں کے پٹرول بم حملے کے نتیجے میں کم سے کم تین صہیونی زخمی ہوگئے۔
عبرانی زبان میں نشریات پیش کرنے والے ٹی وی چینل 7 کی رپورٹ کے مطابق انتفاضہ نوجوانوں نے سلوان ٹاؤن میں یہودی آباد کاروں کی گاڑیوں پر سنگ باری کی اور ان پر پٹرول بم پھینکے جس کے نتیجے میں کم سے کم تین آباد کار زخمی ہوگئے جب کہ گاڑیوں کو بھی نقصان پہنچا ہے۔
زخمی ہونے والے یہودی آباد کاروں کو علاج کے لیے اسپتال منتقل کیا گیا ہے جہاں ان کی حالت خطرے سے باہر بتائی جاتی ہے۔
خیال رہے کہ گذشتہ روز مسجد اقصیٰ میں ایک فدائی حملے میں تین فلسطینیوں کی شہادت اور دو اسرائیلی پولیس اہلکاروں کی ہلاکت کے واقعے کے بعد بیت المقدس میں حالات کشیدہ ہیں۔
