کرہ ارض کے پراسرار مقام ’برمودہ ٹرائی اینگل‘ پہلے ہی اپنے خوفناک اور پراسرار واقعات کی وجہ سے مشہور ہے، مگر حال ہی میں برمودہ ٹرائی اینگل میں اچانک ایک جزیرے کے ظاہر ہونے سے اس کی پراسراریت میں اور بھی اضافہ ہوگیا ہے۔
میڈیا رپورٹس کے مطابق برمودہ ٹرائی اینگل میں یہ جزیرہ اپریل میں سامنے آیا تھا۔ قرب وجوار میں رہنے والے لوگ اور ماہرین اس پراسرار جزیرے کے قریب جانے سے منع کرتے ہیں۔
مقامی لوگوں نے اس پراسرار جزیرے کو ‘چلی‘ کا نام دیا ہے۔ ایک میل لمبا اور 400 فٹ چوڑے اس جزیرے میں ہرطرف ریت ہی ریت دکھائی دیتی ہے۔
برمودہ ٹرائی اینگل اپنی خوف ناکی کی اور دیو مالائی کہانیوں کی وجہ سے پہلے ہی بدنام رہا ہے۔ گیس سے بھرپور اس مقام کو سمندر کا انتہائی خطرناک علاقہ سمجھا جاتا ہے۔ برمودہ ٹرائی اینگل کے بہت سے رازوں سے پردہ نہیں اٹھایا جاسکا۔
نئے سامنے آنے والے جزیرے[چلی] پر مردہ مچھلیوں اور سیپیوں کی بڑی تعداد بھی دیکھی گئی ہے۔
بعض مہم جو برمودہ ٹرائی اینگل میں ظاہر ہونے والے جزیرے میں داخل ہونے کی کوشش کرتے ہیں۔
ایک مہم جو’ٹرافیس فیلپس‘ کا کہنا ہے کہ وہ اس جزیر سے محبت کرتا ہے کیونکہ اس میں سیپیوں کی وافرمقدار موجود ہے۔
فیلپس برمودہ ٹرائی اینگل کے جزیرے میں داخل ہوا جب کہ اس کا دوست میڈلین ایاڈز اس کی بہ حفاظت واپسی پر کنارے پر کھڑا رہا۔
ابھی تک اس جزیرے کی ماہیت کا پتا نہیں چل سکا ہے۔ یہ اندازہ کرنا مشکل ہے کہ آیا یہ عارضی جزیرہ خشکی کا مستقل حصہ بن پائے گا یا جلد ہی سمندر میں بہہ جائے گا۔
