عرب لیگ کی جانب سے جاری کردہ ایک بیان میں کہا گیا ہے کہ مسجد اقصیٰ کی تازہ کشیدہ صورت حال پرغور کے لیے عرب لیگ کے وزراء خارجہ کا اجلاس بدھ کے بجائے جمعرات کو ہوگا۔
مرکزاطلاعات فلسطین کے مطابق عرب لیگ کے سیکرٹری جنرل کے ترجمان محمود عفیفی نے ایک بیان میں بتایا کہ القدس اور مسجد اقصیٰ میں جاری کشیدگی پرغور کے لیے عرب لیگ کے اجلاس کے تاریخ تبدیل کردی گئی ہے۔ اب یہ اجلاس کل بدھ چھبیس جولائی کے بجائے جمعرات 27 جولائی کو ہوگا۔
ترجمان کا کہنا تھا کہ عرب لیگ کا وزراء خارجہ اجلاس ایک دن آگے کرنے کا مقصد زیادہ سے زیادہ ملکوں کے مندوبین کو شرکت کا موقع فراہم کرنا ہے۔
العفیفی نے بتایا کہ عرب لیگ کے وزراء خارجہ سطح کےاجلاس میں اسرائیل کی جانب سے مسجد اقصیٰ پرعاید کردہ پابندیوں اور اس کے منفی نتائج، بیت المقدس کی موجودہ صورت حال اور اسرائیلی ریاست کی طرف سے اٹھائے گئے اقدامات کا جائزی لیا جائے گا۔
