سعودی عرب میں عازمین حج کی آمد کا سلسلہ جاری ہے۔ سعودی عرب کی طرف سے سرکاری سطح پر جاری کردہ اعدادو شمار میں بتایا گیا ہےکہ گذشتہ روز تک فریضہ حج کی ادائی کے لیے آنے والے عازمین حج کی تعداد 11 لاکھ 51 ہزار 10 درج کی گئی ہے۔ پچھلے سال کی نسبت اتنے عرصے میں آنے والے عازمین حج کی تعداد میں 25 فی صد اضافہ ہوا ہے اور قریبا 2 لاکھ 28 ہزار 704 عازمین حج گذشتہ برس کی نسبت زیادہ آئے ہیں۔
ڈائریکٹوریٹ جنرل پاسپورٹس کا کہنا ہے کہ ہوائی جہازوں سے آنے والے عازمین کی تعداد 10 لاکھ 84 ہزار 859 ہے جب کہ خشکی کے راستے 60 ہزار 204 عازمین حج مکہ مکرمہ پہنچے جب کہ سمندری سفر طے کرکے 5 ہزار 947 عازمین سعودی عرب پہنچنے میں کامیاب ہوئے ہیں۔
