طاقت کے گھمنڈ کا شکار قابض صہیونی فوج نے مقبوضہ بیت المقدس شہر میں ایک فلسطینی شہید کے اہل خانہ کا مکان دوسری بار بلڈوزر کی مدد سے مسمار کرڈالا۔
مرکز اطلاعات فلسطین کے مطابق منگل کو علی الصباح قابض صہیونی انتظامیہ نے مسجد اقصیٰ کے جنوبی قصبے سلوان میں شہید ابو اسنینہ کے اہل خانہ کا دوبارہ تعمیر کردہ عارضی مکان مسمار کردیا۔
مرکزاطلاعات فلسطین کے نامہ نگار کے مطابق قابض فوج اور اسرائیلی بلدیہ کے اہلکاروں نے عبدالکریم ابو اسنینہ کے مکان کا محاصرہ کیا اور اس کے بعد بلڈوزر کی مدد سے اسے گراد دیا گیا۔
خیال رہے کہ عبدالکریم ابو اسنینہ کا مکان ایک ہفتہ قبل مسمار کردیا گیا تھا جس کے بعد متاثرہ شہریوں نے مکان کے ملبے پر عارضی طور پر ایک شیلٹر تعمیر کیا تھا۔ گذشتہ روز قابض فوج نے اسے دوبارہ مسمار کرکے اپنی غنڈہ گردی ، بدمعاشی اور انسانیت دشمن کا ثبوت دیا ہے۔
