مقبوضہ مغربی کنارے کے جنوبی شہر الخلیل کی بلدیہ کے سربراہ نے کہا ہے کہ وہ تاریخی جامع مسجد ابراہیمی کی مرمت کے لیے پرعزم ہیں اور اس حوالےسے صہیونی ریاست کی پابندیوں کی انہیں کوئی پرواہ نہیں۔ نیز ان کے پاس اس کام کے لیے وسائل بھی موجود ہیں۔
مرکزاطلاعات فلسطین کے مطابق الخلیل بلدیہ کے چیئرمین تیسیر ابو اسنینہ نے کہا کہ بلدیہ مسجد ابراہیمی کی تعمیر ومرمت کے لیے تیار ہے۔
مرکزاطلاعات فلسطین سے خصوصی بات چیت کرتے ہوئے ابو اسنینہ نے کہا کہ الخلیل بلدیہ ماضی اور حال میں عرصہ دراز سے مسجد ابراہیمی مرمتی کاموں کی نگرانی اور کفالت کرتی آئی ہے۔ الخلیل شہر کی بلدیہ ہی نے اپنے طورپر ایک تعمیراتی کمیٹی بھی بنا رکھی ہے جو کئی سال سے کام کررہی ہے۔
تیسیر ابو اسنینہ نے اپنے بیان میں اسرائیلی میڈیا کے دعوؤں کو بے بنیاد قرار دیا ہے جن میں کہا گیا تھا کہ الخلیل بلدیہ کے پاس مسجد ابراہیمی کی مرمت کے لیے بجٹ ناکافی ہے۔ یہی وجہ ہے کہ الخلیل کی فلسطینی بلدیہ مسجد ابراہیمی کی مرمت سے قاصر ہے۔
ابو اسنینہ نے کہاکہ اسرائیلی میڈیا میں شائع ہونے والی خبریں بے بنیاد ہیں۔ بلدیہ جلد ہی مسجد ابراہیمی کے مرمتی کام کا آغاز کرے گی۔
