جرمنی کی حکومت نے بچوں کے لیے اسمارٹ گھڑیوں کے استعمال پر پابندی عاید کردی ہے۔ حکومت کا کہنا ہے کہ ’اسمارٹ واچ‘ سے بچے کی جاسوسی کی جاسکتی ہے۔
اخباری رپورٹس کے مطابق اس سے قبل ’نیٹ ورک فیڈریشن ایجنسی‘ نے انہی اسباب کے تحت آن لائن اسمارٹ گڑیا کی فروخت روک دی تھی۔
ایجنسی کی طرف سے والدین کو سفارش کی گئی ہے کہ وہ بچوں کے ساتھ ان اوقات بچوں سے رابطے میں رہیں جب بچوں نے اسمارٹ گھڑی پہن رکھی ہو۔
ماہرین کا کہنا ہے کہ جرمن حکومت کے فیصلے سے آن لارئن آلات کی خریدو فروخت پر جوہری اثرات مرتب ہوسکتے ہیں۔
ایک سیکیورٹی کمپنی کے ایڈوائز کین مونرو کا کہنا ہے کہ بچوں کے زیراستعمال اسمارٹ آلات سے بچوں کی پرائیسوی متاثر ہوسکتی ہے اور ان کی جاسوسی کی جاسکتی ہے کیونکہ اس طرح کے آلات محفوظ نہیں ہوتے۔
ان کا مزید کہنا ہے کہ انٹرنیٹ سے مربوط ڈیوائسز یا ایسے آلات جو انٹرنیٹ سے خریدے جاسکتے ہیں وہ غیر محفوظ ہوسکتے ہیں۔
