فلسطین میں اسرائیلی جیلوں میں قید فلسطینیوں کے حقوق کے لیے کام کرنے والی ایک تنظیم نے اپنی رپورٹ میں بتایا ہے صہیونی زندانوں میں عمرقید کے سزا یافتہ فلسطینیوں کی تعداد 531 ہوگئی ہے۔
مرکزاطلاعات فلسطین کے مطابق فلسطینی محکمہ امور اسیران کے مطابق رواں سال کے دوران اب تک کئی فلسطینیوں کو اسرائیلی عدالتوں سے عمر قید کی سزائیں سنائی گئیں۔
رپورٹ کے مطابق 1228 فلسطینیوں کو 10 سال سے زاید اور عمر قید سے کم سزائیں دی گئیں ہیں۔ 481 فلسطینیوں کو 20 سال سے زاید، 452 کو 15 سے 20 سال قید ،295 کو 10 سے 15 سال،1351 کو 10 سال،380 کو 5سے 10 سال اور 971 کو ایک سے پانچ سال قید کی سزائیں دی گئی ہیں۔
