فلسطین کے مختلف شہروں میں کل جمعہ کے روز امریکی صدر دونلڈ ٹرمپ کی جانب سے مقبوضہ بیت المقدس کو صہیونی ریاست کا دارالحکومت قراردیے جانے کے خلاف احتجاجی مظاہرے ہوئے۔
مرکزاطلاعات فلسطین کے مطابق بارش کے باوجود مقبوضہ مغربی کنارے اور غزہ میں ٹرمپ کے خلاف احتجاجی مظاہرے اور جلوس نکالے گئے۔
سب سے بڑا احتجاجی مظاہرہ غرب اردن کے وسطی شہر رام اللہ میں بلعین کے مقام پر نکالا گیا جس میں سیکڑوں شہریوں نے سخت سردی اور بارش میں بھی مظاہرے میں شرکت کی۔
نماز جمعہ کے بعد نکالے گئے اس مظاہرے میں شریک شہریوں نے اسرائیلی ریاست کی طرف سے قائم کردہ دیوار فاصل کی طرف مارچ کیا۔ اس موقع پر غیرملکی رضاکاروں، انسانی حقوق کے مندوبین اور اسرائیل کے امن کارکنوں نے بھی شرکت کی۔
مظاہرین نے ہاتھوں میں فلسطینی قومی پرچم، بینرز اور کتبے اٹھا رکھے تھے جن پر القدس کو اسرائیل کا دارالحکومت قرار دیے جانے کے خلاف شدید نعرے درج تھے۔
رام اللہ کے علاوہ فلسطین کئی دوسرے شہروں میں بھی احتجاجی مظاہرے کیے گئے۔ شہریوں کی بڑی تعداد بارش کےباجود مظاہروں میں شریک ہوئی۔
