اسرائیل کی ایک فوجی عدالت نے زیرحراست فلسطینی شہری کو 17 سال قید با مشقت اور 60 ہزار شیکل جرمانہ کی سزا سنائی ہے۔
مرکزاطلاعات فلسطین کے مطابق سزا پانے والے فلسطینی نوجوان محمد فھیم الشلالدہ کا تعلق غرب اردن کے جنوبی شہر الخلیل کے شمالی قصبے سعیر سے ہے۔ جرمانے کی رقم امریکی کرنسی میں 17 ہزار ڈالر بنتی ہے۔
اسرائیلی فوج کی طرف سے اسیر شلالدہ پر الزام عاید کیا ہے کہ اس نے دو سال قبل بیت امر کے مقام پر اپنی گاڑی تکے اسرائیلی فوجیوں کو روند دیا تھا جس کے بعد اس کے خلاف فوجیوں کو کچلنے کے الزام میں مقدمہ چلایا گیا۔
