اسرائیلی فوج نے شام کے جنوب مغربی علاقے مصیاف میں اسدی فوج کے ایک ہدف پر اتوار کو فضائی حملہ کیا ہے جس کے نتیجے میں متعدد شامی فوج ہلاک اور زخمی ہوگئے ہیں ۔
شام کی سرکاری خبررساں ایجنسی سانا نے ایک عسکری ذریعے کے حوالے سے اطلاع دی ہے کہ’’ مصیاف میں ہماری ایک فوجی پوزیشن کو اسرائیلی فضائیہ نے اپنی جارحیت میں نشانہ بنایا ہے‘‘۔تاہم اس نے اس حملے میں ہونے والے جانی نقصان کی کوئی تفصیل نہیں بتائی ہے۔
مصیاف شام کے وسطی شہر حماہ کے جنوب مغرب میں واقع ہے۔سانا کے مطابق اسرائیلی طیارے نے شامی فوج کے حماہ کے نواح میں واقع ٹھکانے پر چار میزائل داغے ہیں۔
