فلسطینیوں کے بہی خواہ روسی صحافی کا انتقال، حماس کا اظہار افسوس

صحافت سے وابستہ پوری زندگی فلسطینیوں کی حمایت میں آواز بلند کرنے والا ایک انسان دوست صحافی اور دانشور چل بسا۔ اسلامی تحریک مزاحمت ’حماس‘ نے روسی صحافی اورھان گیدارو فیٹچ کی ناگہانی موت پر گہرے دکھ اور افسوس کا اظہار کیا ہے۔

حماس کا کہنا ہے کہ فیٹیچ کے انتقال سے فلسطینی قوم اور زندہ ضمیر رکھنے والی انسانیت آج ایک انسان دوست اور فلسطینی قوم کا درد رکھنے والے رہ نما سے محروم ہوگئی ہے۔

حماس کی طرف سے جاری ایک بیان میں کہا گیا ہے کہ جماعت کی طرف سے مرحوم گیدارو فیٹچ جمال کے اہل خانہ کو ایک تعزیتی مکتوب ارسال کیا ہے۔ گیدارو فیٹچ جنوبی افریقا میں تھے جہاں وہ گذشتہ روز اچانک انتقال کرگئے۔

گیدارو فوٹیچ جمال روس کے ایک مسلمان اور ملٹری شعبے کا نامہ نگار رہنے کے ساتھ ساتھ فلسطینی قوم کے دیرینہ حقوق کی حمایت کرتے رہے ہیں۔