فلسطین کے عبرانی ذرائع ابلاغ نے خدشہ ظاہر کیا ہے کہ فلسطینی علاقے غزہ کی پٹی کے بعد کاغذی آتش گیرجہازوں اور گیسی غباروں کے حملوں کا سلسلہ غرب اردن میں بھی شروع ہوسکتا ہے۔
عبرانی ٹی وی 13 کی رپورٹ میں بتایا گیا ہے کہ اسرائیل کے سیکیورٹی اداروں نے غرب اردن کے شمالی شہر نابلس جبل جرزیم سے دو کاغذی جہاز قبضے میں لیے ہیں۔
عبرانی ٹی وی کے مطابق غرب اردن کے حالات غزہ کی پٹی سے مختلف نہیں۔ فلسطینیوں میں اسرائیل کے خلاف سخت غم وغصہ کی فضاء پائی جا رہی ہے۔ فلسطینی کسی بھی غرب اردن میں بھی کاغذی جہازوں کے حملوں کا سلسلہ شروع کرسکتے ہیں۔
ادھر اسرائیلی ریڈیو نے فوج کے حوالے سے بتایا ہے کہ اگرغرب اردن میں فضائی دہشت گردی کا سلسلہ شروع ہوتا ہے تو یہ اسرائیل کی سلامتی کے لیے حقیقی خطرہ بن سکتا ہے۔
