فلسطین کے علاقےغزہ کی پٹی سے تعلق رکھنے والی ایک عمر رسیدہ خاتون حج کے سفر کے دوران مکہ معظمہ میں انتقال کرگئیں۔
فلسطینی وزارت مذہبی امور کے چیئرمین الشیخ یوسف ادعیس نے اتوار کو ایک بیان میں بتایا کہ 84 سالہ سالمہ محمود احمد اللوح ہفتے کو مکہ معظمہ میں انتقال کرگئیں۔ وہ غزہ کی پٹی کے وسطی شہر دیر البلح سے تعلق رکھتی ہیں۔
مکہ معظمہ میں اپنی قیام پر فوت ہونے والی فلسطینی خاتون کو سعودی عرب کی ہلال احمر کے ذریعے اسپتال منتقل کیا گیا۔ بعد ازاں اسے مکہ معظمہ ہی کے ایک قبرستان میں سپرد خاک کردیا گیا۔
