فلپائن کے صدر روڈو ریگو دوتیرتے نے کہا ہے کہ انہوں نے محکمہ دفاع اور فوج کو ہدایت کی ہے کہ وہ اسرائیل سے بھاری اسلحہ کی خریداری کے معاہدے کرے۔ ان کا کہنا تھا کہ اسرائیل ان ممالک میں شامل ہے جو اسلحہ کے خریداروں پر شرائط اور پابندیاں عاید نہیں کرتا۔
ان کا اشارہ اسرائیل کے اس طرز عمل کی طرف تھا جس میں صہیونی ریاست اسلحہ کی تجارت کے حوالے سے عالمی معاہدوں کی پاسداری نہیں کرتی۔
عبرانی اخبار ’معاریو‘ کے مطابق صہیونی ریاست کے صدر روف ریفلین نے منگل کےروز دورے پرآئے فلپائنی صدر دوتیرتے سے ملاقات کی۔ اس موقع پر فلپائنی صدر نے کہا کہ انہوں نے اپنی فوج کو ہدایت کی ہے کہ وہ اسرائیل سے اسلحہ خرید کرے کیونکہ اسرائیل غیر مشروط طور پر اپنے ہتھیار فروخت کرتا ہے۔
اسرائیل کے سرکاری ریڈیو کے مطابق فلپائنی صدر دوتیرتے نے اسرائیلی وزیر دفاع آوی گیڈور لایبر مین سے بھی ملاقات کی ہے۔
