فلسطین کے علاقے غزہ کی پٹی میں اسرائیلی فوج نے ایک ڈرون حملہ کرکے دو فلسطینی شہریوں کو زخمی کردیا۔
مرکز اطلاعات فلسطین کے مطابق اسرائیلی فوج نے بغیر پائلٹ کے ایک ڈرون طیارے کے ذریعے شمالی غزہ میں مشرقی بیت حانون کے مقام پر فلسطینیوں کے ایک گروپ کو نشانہ بنایا۔
مرکز اطلاعات فلسطین کے نامہ نگار کے مطابق قابض فوج نے بیت حانون میں ’حق واپسی‘ احتجاجی کیمپ کے قریب فلسطینیوں کے ایک گروپ کو نشانہ بنایا جس کے نتیجے میں دو فلسطینی زخمی ہوگئے۔
اُدھراسرائیلی فوج کی طرف سے جاری کردہ ایک بیان میں کہا گیا ہے کہ ڈرون طیارے کی مدد سے غزہ کی شمالی سرحد پر کاغذی آتش گیر جہاز اور گیسی غبارے اڑانے والے فلسطینیوں کے ایک گروپ کو نشانہ بنایا گیا۔
