قابض صہیونی فوج نے فلسطین کے مقبوضہ مغربی کنارے کے شمالی شہر بیت لحم کے رہائشی شہید ثائر مزھر کے والد ثائر حلمی مزھر کو حراست میں لے لیا۔
مرکزاطلاعات فلسطین کے مطابق کلب برائے اسیران کے مندوب نے بتایا کہ حلمی مزھر کو اسرائیلی فوج نے عتصیون فوجی مرکز میں طلب کیا جہاں انہیں حراست میں لے کرنامعلوم مقام پر منتقل کردیا گیا۔
اسیران کلب کے مندوب کا کہنا ہےکہ حلمی مزھر کی گرفتاری کی وجہ معلوم نہیں ہوسکی ہے۔
خیال رہے 23 سالہ ثائر مزھر کو اسرائیلی فوج نے جولائی 2018ء کو الدھیشہ کیمپ میں گولیاں مار کر شہید کردیا تھا۔ ثائر اور اس کا خاندان عوامی محاذ برائے آزادی فلسطین سے تعلق رکھتا ہے۔
