قابض صہیونی فوج نے مقبوضہ بیت المقدس میںایک کارروائی کے دوران فلسطینی انٹیلی جنس کا ایک حاضر سروس کرنل حراست میں لینے کے بعد تفتیشی مرکز منتقل کر دیا ہے۔
مرکز اطلاعات فلسطین کے مطابق ہفتے کے روز بیت المقدس میں تحریک فتح کے سیکرٹری شادی مطور نے بتایا کہ اسرائیلی فوج نے شمال مغربی بیت المقدس کےالجدیرہ قصبے میں گھات لگا کر فلسطینی اتھارٹی کے انٹیلی جنس ڈائریکٹر برائے القدس کرنل جہاد الفقیہ کو حراست میں لینے کے بعد تفتیش کے لیے”المسکوبیہ” سینٹر منتقل کر دیا۔
جہاد فقیہ کی گرفتاری کی وجہ معلوم نہیں ہوسکی، صہیونی حکام کی طرف سے ان کی گرفتاری کے حوالے سے کسی قسم کی تفصیلات بیان نہیں کیں۔ دوسری طرف فلسطینی اتھارٹی نے بھی کسی سینیر انٹیلی جنس افسر کی اسرائیلی فوج کے ہاتھوں گرفتاری کے بارےمیں کوئی تبصرہ نہیں کیا گیا۔
