اقوام متحدہ کی ایک رپورٹ رواں سال کے دوران بحیرہ روم میں یورپ جاتے ہوئے 2000 تارکین وطن ڈوب کر جاں بحق ہوئے۔ ان میں نصف تارکین وطن اٹلی جاتے ہوئے سمندر میں ڈوبے۔
اقوام متحدہ کے پناہ گزینوں سے متعلق ہائی کمیشن کے ترجمان شالی یاکسلی نے ایک بیان میں کہا کہ یورپ جاتے ہوئے دو ہزار میں سے نصف افراداٹلی جاتے ہوئے مارے گئے۔
انہوں نے پناہ گزینوں کی زندگیاں بچانے کے لیے حفاظتی اقدامات کی ضرورت پر زور دیا اور کہا کہ بحیرہ روم پناہ گزینوں اور تارکین وطن کی موت کی آماج گاہ بن چکا ہے۔ ہر سال ہزاروں تارکین وطن جاںبحق ہو رہے ہیں اوریہ سلسلہ مزید جاری نہیں رہنا چاہیے۔
اقوام متحدہ کا کہنا ہے کہ رواں سال ایک لاکھ 5 ہزار تارکین وطن یورپ پہنچنے میں کامیاب ہوئے۔
