اسرائیلی فوج کی سینٹرل کمانڈ نے مقبوضہ بیت المقدس کے فلسطینی گورنر عدنان غیث کے خلاف ایک نیا فوجی آرڈر جاری کیا ہے جس میں کہا گیا ہے کہ عدنان غیث کو آئندہ چھ ماہ تک غرب اردن میں داخلے پر پابندی عاید کردی گئی ہے۔
اسرائیلی فوج کی طرف سے عدنان غیث کو جاری کردہ حکم نامے میں کہا گیا ہے کہ القدس کے فلسطینی گورنر اسرائیل کے خلاف نفرت پھیلانے اور اشتعال انگیزی کے مرتکب ہوئے ہیں۔ وہ اسرائیلی ریاست کی سلامتی کے لیے خطرہ ہیں۔ اس لیے آئندہ چھ ماہ تک ان کے غرب اردن کے علاقوں میں داخلے پر پابندی عاید کی جاتی ہے۔
اسرائیلی فوج کی طرف سے جاری نوٹس پر جواب کے لیے عدنان غیث کو 72 گھنٹے کا وقت دیا گیاہے جس کے بعد اتوار کے روز ان سے جاری تفتیش کو مکمل کردیا جائے گا۔
