ممتاز عالم دین اور مسجد اقصیٰ کے امام وخطیب الشیخ عکرمہ صبری نے فلسطینی عوام پر زور دیا ہے کہ وہ میلاد مصطفیٰ صلی اللہ علیہ وسلم کے موقع پر کل منگل کے روز مسجد اقصیٰ میں اپنی حاضری کو یقینی بنائیں۔
مرکز اطلاعات فلسطین کے مطابق مسجد اقصیٰ اسراء ومعراج کے سفر کا حصہ ہے اور اس کی اسلام میں کئی حوالوں سے خاص اہمیت ہے۔ میلاد النبی کے موقع پر فلسطین کے مسلمانوں کو زیادہ سے زیادہ مسجد اقصیٰ میں وقت گذارنے، عبادت، نوافل اور علم وذکر کی محافل میں شرکت کرنی چاہیے۔
ان کا کہنا تھا کہ مسجد اقصیٰ میں میلاد النبی کے موقع پرآپ صلی اللہ علیہ وسلم کی پیدائش 576ء کی مناسبت سے خصوصی پروگرام منعقد کیا جائے گا۔ اس دن کی عظمت اور عبرت پر علماء بات کریں گے۔
الشیخ عکرمہ صبری کا کہنا تھا کہ گذشتہ سال نبی اکرم صلی اللہ وعلیہ وسلم کی شان میں گستاخی کی گئی۔ یہ سلسلہ ختم نہیں ہوا۔ عالم اسلام کی مسلسل توہین جاری ہے۔ ان کا کہنا تھا کہ میلاد النبی جیسا عظیم موقع ایک ایسے وقت میں آیا ہے جب دوسری جانب عالم اسلام اور قبلہ اول کے خلاف دشمن کی سازشیں جاری ہیں۔ فلسطینی قوم اور پوری مسلم امہ کو میلاد النبی کے موقع پر اپنی صفوں میں اتحاد اور یکجہتی کا مظاہرہ کرنا ہوگا۔
