اسرائیلی حکومت کے سربراہ بنجمن نیتن یاھو نے اپنے مقرب فوجی جنرل میجر جنرل ایال زامیر کو مسلح افواج کا ڈپٹی کمانڈر ان چیف مقرر کیا ہے۔
فوج کی طرف سے جاری کردہ ایک بیان میں کہا گیا ہے کہ وزیراعظم نیتن یاھو نے جنرل آفیف کوخافی کو نیا آرمی چیف مقرر کیا ہے جن کہ میجر جنرل زامیر کوان کا نائب مقرر کیا گیا ہے۔
خیال رہے کہ جنرل زامیر اسرائیلی وزیراعظم کے مقربین میں شامل ہیں اور انہوں نے جنرل زامیر کو آرمی چیف مقرر کرنے کی کوشش کی تھی۔ وہ سدرن ملٹری کمانڈ کے سربراہ اور نیتن یاھو کے ملٹری سیکرٹری بھی رہ چکے ہیں۔
گذشتہ منگل کو تعیناتی کمیٹی نے جنرل کوخافی کی بہ طورآرمی چیف تعیناتی کی توثیق کردی تھی جس کے بعد ان کے آرمی چیف بننے کے امکانات روشن ہوگئے ہیں۔
