فلسطین کے مقبوضہ مغربی کنارے کے وسطی شہر رام اللہ میں سنجل کے مقام پر فلسطینی نوجوانوں کے پتھرائو کے نتیجے میں ایک یہودی آباد کار زخمی ہوگیا۔
اسرائیلی اخبار”معاریف” کے مطابق فلسطینیوں کی جانب سے شمالی رام اللہ میں سنجل کے مقام پر یہودی آباد کاروں کی ایک کار پر سنگ باری کی گئی جس کے نتیجے میں ایک یہودی آباد کار زخمی ہوگیا۔
اس کی عمر 30 سال بتائی جاتی ہے۔ یہودی آباد کار کو زخمی حالت میں ایک ایمبولینس میں ڈال کر اسپتال منتقل کیا گیا۔
