اسرائیلی فوج نے فلسطین کے مقبوضہ مغربی کنارے کے شمالی شہر نابلس میں ایک کارروائی کے دوران فلسطینی دو شیزہ کو حراست میں لینے کے بعد نامعلوم مقام پر منتقل کر دیا ہے۔
مقامی ذرائع کا کہنا ہے کہ فلسطینی لڑکی کو نابلس کے جنوب میں قائم ‘زعتر’ چوکی سے گذرتے ہوئے حراست میں لیا جس کے بعد اسے نامعلوم مقام پر منتقل کردیا گیا۔
دوسری جانب اسرائیلی فوج نے 16 سالہ فلسطینی لڑکے سلمان ابو غوش کوعدالت میں پیش کرنے کے بعد اسے چار ماہ انتظامی قید میں سزا دلوائی ہے۔
ابو غوش کے ایک بھائی حسین ابو غوش کو اسرائیلی فوج بیت حورون میں ایک مزاحمتی کارروائی کے دوران گولیاں مار کر شہید کرچکی ہے۔
خیال رہے کہ اسرائیلی جیلوں میں 6 ہزار فلسطینی پابند سلاسل ہیں جن میں 250 بچے، 54 خواتین،،8 ارکان پارلیمنٹ، 27 صحافی،450 انتظامی قیدی،750 مریض پابند سلاسل ہیں جن میں 200 کے فوری طبی معائنے اور علاج معالجے کی ضرورت ہے۔
