افغانستان کے سابق صدر حامد کرزئی نے کہا ہے کہ حال ہی میں روس کی میزبانی میں طالبان کے ساتھ ہونے والے مذاکرات میں غیر مسبوق پیش رفت ہوئی ہے۔
کابل میں ایک پریس کانفرنس سے خطاب میں حامد کرزئی کا کہنا تھا کہ طالبان اور افغان حکومت کے نمائندوں کےدرمیان کابل میں ہونے والے مذاکرات میں حوصلہ افزاء پیش رفت ہوئی ہے اور اب افغانستان میں قیام امن کے لیے طالبان سے معاہدے کا قوی امکان پیدا ہوگیا ہے۔
انہوں نے کہا کہ طالبان کے ساتھ مذاکرات میں ملک میں نئے دستور کی تدوین پر بات چیت کی گئی۔ ان کا کہنا تھا کہ مذاکرات کا اگلا دور آئندہ بدھ کو ہوگا۔
درایں اثناء طالبان کے مندوب شیر محمد عباس ستانیکزئی کا کہنا ہے کہ ابھی تک فریقین کسی حتمی معاہدے پر متفق نہیں ہوئے ہیں۔ طالبان کا سب سے اہم مطالبہ امریکی فوج کے انخلاء کی ڈیڈ لائن دینا ہے۔
انہوں نے کہا کہ ہم امریکا کو افغانستان سےنکلنے کے لیے کئی سال نہیں چند ماہ کا وقت دے سکتے ہیں۔
