اسرائیلی فوج اور پولیس کی فول پروف سیکیورٹی میں یہودی انتہا پسندوں کے قبلہ اول پر اشتعال انگیز دھاووں کا سلسلہ جاری ہے۔ کل تین مارچ اتوار کے روز یہودی آباد کاروں کی بڑی تعداد نے مسجد اقصیٰ کے مراکشی دروازے کے راستے قبلہ اول پر دھاوےبولے اور نقدس مقام کی بے حرمتی کی۔
مرکزاطلاعات فلسطین کے مطابق اوار کو یہودی آباد کاروں کی بڑی تعداد نے قبلہ اول میں گھس کر مقددس مقام کی بے حرمتی کا ارتکاب کیا۔ قبلہ اول پر یہودی آباد کاروں کے دھاووں کے وقت اسرائیلی فوج اور پولیس نے مسجد اقصیٰ کو فوجی چھایونی میں تبدیل کر رکھا تھا۔
یہودی آباد کاروں کی مذہبی اشتعال انگیزی اور مقدس مقام کی بے حرمتی کے وقت صہیونی پولیس کی بھاری نفری ان کے ہمراہ تھی۔
خیال رہے کہ اسرائیلی فوج اور پولیس کی فول پروف سیکیورٹی میں یہودی آباد کار روزانہ کی بنیاد قبلہ اول میں گھس کر مقدس مقام کی بے حرمتی کرتے ہیں۔ یہودی شرپسندوں کی ان سازشوں کا مقصد مسجد اقصیٰ کو زمانی اور مکانی اعتبار سے تقسیم کرنا ہے۔
